EH Nesken Gomazko Paleta txapelketako final denak daude jada erabakita. Hainbat saltsa tarteko izan den gazte mailakoan ere izango da finalik eta berau Labrit-eko lehen lehia izango da. Gipuzkoarrak, Semper-Pagola, eta bizkaitarrak, Mentxakatorre-Gonzalez, neurtuko dira azken norgehiagokan eta berez hernaniarrak faborito badira ere final irekia ematen du. Bigarren mailakoan Goikoetxea-Gutierrez eta Mariñelarena-Urtasun arituko dira helburutzat txapelak hartuta. Gipuzkoarren eta nafarren arteko dema polita. Azken finala, lehen mailakoa, lehiaketako bi bikote sendoenek jokatuko dute. Pradera-Saez Arzamendi eta Contin-Aristorena dira finalera partidurik galdu barik heldutakoak. Norbaitek galdu beharra izango du baina benetan ez dago azken lehia honetan ere inolako faboritorik.